Փարիզի արվարձանում հրաձգություն սկսած չարագործը հանձնվել է իրավապահներին այն բանից հետո, երբ հատուկ նշանակության ջոկատը շրջափակել է նրան բնակարանում:
Ավելի վաղ հաղորդվում էր, որ սեպտեմբերի 26-ին 70-ամյա տղամարդը հրաձգություն է սկսել Պոր Մարլի քաղաքի խանութներից մեկում եւ վիրավորել 2 հոգու, որոնց վիճակը հիմա ծանր է, փոխանցում է ՏԱՍՍ-ը:
Նախկինում հրաձիգը պատասխանատվության էր ենթարկվել օրինախախտության համար: Նրա արարքի դրդապատճառները հայտնի չեն: Ոստիկանությունը բացառել է ահաբեկչության հնարավորությունը: