Ավստրիայի մաքսային ծառայությունը Գրացի օդանավակայանում ձերբակալել է Մարոկկոյի քաղաքացու, որի ճամպրուկում հայտնաբերել են նրա ամուսնու մարմնի մասունքները փոխանցում է BBC-ն:

Տղամարդու ներքին օրգանները փաթեթավորված էին 2 տոպրակի մեջ: Կնոջ խոսքով՝ իր ամուսինը մահացել էր Մարոկկոյում վիրահատության ժամանակ, եւ ինքը կասկածներ ունի, որ նրան թունավորել են:

Կնոջ խոսքով՝ ինքը ցանկանում էր տոքսիկոլոգիական հետազոտություն անցկացնել եւ դրա համար ամուսնու մասունքները բերել է Ավստրիա: Ոստիկանության կանչով ժամանած փորձագետը հայտնել է, որ առանց ամբողջական մարմնի, հնարավոր չէ փորձաքննություն անցկացնել:

Տղամարդու մասունքները պահվել են մինչեւ միջադեպի հետաքննության ավարտը: Ոստիկանության փոխանցմամբ՝ կինը որեւէ օրենք չի խախտել: