ԱԺ ԲՀԿ խմբակցության պատգամավոր Միքայել Մելքումյանը Գյումրում ընթացող քարոզարշավը նորմալ է գնահատում:
«Մենք հանդիպումներ ենք կազմակերպում Գյումրիում, նորմալ է ընթանում: Լինում են հանդիպումներ տարբեր շենքերում, նաեւ բակային համդիպումներ: Հիմա էլ կուսակցության անդամներով գնում ենք Գյումրի: Մենք եւ տեղական կառույցն ենք այդ ամենն անում, մեր թեկնածուն, իհարկե, չի կարող մասնակցել: Օրական 3-4 հանդիպումներ են լինում»,- այսօր` սեպտեմբերի 27-ին, լրագրողների հետ զրույցում ասաց Միքայել Մելքումյանը:
Հիշեցնենք, որ սեպտեմբերի 20-ին Գյումրիի քաղաքապետի «Բարգավաճ Հայաստան» կուսակցության թեկնածու Վարդեւան Գրիգորյանի որդու՝ Արշակ Գրիգորյանի դին գլխի հրազենային վնասվածքով հայտնաբերվել էր տան նկուղում:
Հոկտեմբերի 2-ին Գյումրիում ավագանու ընտրություններն առաջին անգամ կանցկացվեն կուսակցական ցուցակներով: Հաղթող քաղաքական ուժը կնշանակի հանրապետության երկրորդ քաղաքի քաղաքապետին:
