Էկոնոմիկայի անվան փոփոխության մեջ, անշուշտ, ուղղվածություն կա, բայց դա չի նշանակում, որ եթե էկոնոմիկա անվանումը մնար, ուրեմն ուղղվածություն չկար, քանի որ այդ անվան մեջ մտնում էր ամեն ինչ։ Այս մասին այսօր՝ սեպտեմբերի 27-ինլրագրողների հետ զրույցում հայտարարել է էկոնոմիկայի նախարարի պաշտոնակատար Արծվիկ Մինասյանը։

«Նոր անվանումը որոշակի առումով նաեւ ֆինանսական հետեւանք է առաջացնում, մյուս կողմից պետք է բովանդակությունը արտահայտի։ Հետեւաբար ես մնում եմ իմ տեսակետին, որ էկոնոմիկա անվանումը կարող ենք հայերեն նույնիսկ տնտեսություն թարգմանել, իսկ անգլերեն եւ ռուսերեն լեզուներով թարգմանելով էկոնոմիկան նշանակում է տնտեսություն։ Էկոնոմիկայի անվան փոփոխության մեջ, անշուշտ, ուղղվածություն կա, բայց դա չի նշանակում, որ եթե էկոնոմիկա անվանումը մնար, ուրեմն ուղղվածություն չկար, քանի որ այդ անվան մեջ մտնում էր ամեն ինչը, բոլորը,  ինչ որ կապված է մարդկանց պահանջմունքների ու ռեսուրսների սահմանափակվածութան պայմաններում որոշումներ կայացնելու հետ»,-ասել Մինասյանը։

Ինչ վերաբերում է իր կիսատ թողած գործերին, նա ասել է․«Մենաշնորհների դեմ պայքարի իմ սկսած գործն ընթացքի մեջ է, արդեն նոր նախարարը դրան ընթացք կտա»,-ասել է Մինասյանը։

Մինասյանն անձամբ հրաժարվել է ասել, թե այս գերատեսչությունում ինչ գործերով են իրեն հիշելու, նշել է, թե ժամանակը կգնահատի իր աշխատանքը։