Իրանի նավթի նախարար Բիջան Զանգանեն Ալժիր է եկել միայն նավթարդյունահանման հնարավոր սառեցման վերաբերյալ կարծիքներ փոխանակելու, ոչ թե համապատասխան պայմանավորվածություններ կնքելու համար, հայտնում է RNS-ը:
«Ես այստեղ եմ կարծիքների փոխանակման համար, ոչ ավելին», — հայտնել է նա:
Միաժամանակ ավելի վաղ Reuters-ի աղբյուրները հայտնել էին, որ Իրանը կարող է նավթի արդյունահանման սառեցման գնալ հանուն շուկայի վերականգնման:
Սեպտեմբերի 26–28-ին Ալժիրում ընթանում է Միջազգային էներգետիկ ֆորումը (ՄԷՖ): Այդ միջոցառման շրջանակում ՕՊԵԿ-ի երկրների ոչ պաշտոնական հանդիպում է նախատեսված:
