Հայաստանի տեղական աշխատակազմերի դոտացիաները կաճեն 10 տոկոսով: Այս մասին սեպտեմբերի 27-ին ԱԺ-ում ասել է Տարածքային կառավարման ու զարգացման առաջին փոխնախարար Վաչե Տերտերյանը, ԱԺ արտահերթ նիստի ժամանակ ներկայացնելով «Ֆինանսական համահարթեցման մասին» օրենքի նախագիծը:
Նա նշել է, որ օրինագիծը նախատեսում է տեղական աշխատակազմերին դոտացիաների բաժանման նոր սխեմա: Դոտացիաների ընդհանուր գումարը 2017-ին 2016-ից քիչ չի լինի: Ավելին, հավելաճը կկազմի 1 մլրդ դրամ (մոտ 2.1 մլն դոլար): Պարզապես ծախսն է ավելի նպատակային լինելու: էլ ավելի մեծ ուշադրություն է հատկացվելու բարդ պայմաններով համայնքներին՝ բարձրլեռնային, սահմանամերձ, մեծ քանակության բնակավայրերով, որոնք հեռու են Երեւանից ու իրենց շրջկենտրոններից:
«Բարձրլեռնային ու սահմանամերձ համայնքները ավելի շատ կստանան, քանի որ դրանք որպես կանոն շրջկենտրոններից հեռու են գտնվում: Ընդհանուր առմամբ ֆինանսավորումը կապակցվելու է իմ նշած գործոնների հետ: Այդ կապը ավելի ուժեղ է լինելու քան հիմա»,- հավելել է Տերտերյանը: