ՀՀ Կառավարությունը բանակցում է Ասիական զարգացման բանկի հետ՝ մարզերի քաղաքների համար ներդրումային ծրագրերի մասին: Այս մասին սեպտեմբերի 27-ին ԱԺ-ում ասել է տարածքային կառավարման ու զարգացման առաջին փոխնախարար Վաչե Տերտերյանը՝ ԱԺ արտահերթ նիստում ներկայացնելով «Ֆինանսական համահարթեցման մասին» օրենքի նախագիծը:
Նրա խոսքով, Կառավարությունը ԱԶԲ համար պատրաստում է առաջարկներ՝ Գյումրիում ու եւս 7-8 քաղաքներում ենթակառուցվածքների զարգացման ծրագրերի ֆինանսավորման համար: «Մենք հույս ուեննք, որ դա կբարձրացնի քաղաքների գրավչությունը ու կխթանի այնտեղ ձեռներեցային աշխուժությունը»,- հավելել է Տերտերյանը
Նշենք, որ ավելի վաղ՝ 2013-ին, Ասիական բանկի՝ մարզերի քաղաքների զարգացման ծրագիրը նախատեսվում էր Գյումրիի, Վանաձորի, Դիլիջանի ու Ջերմուկի համար:ՀԻմա ԿԱռավարությունը առաջարկում է ընդլայնել այն:
