Եկամուտների հայտարարագրերում խախտումների համար Հայաստանի բարձրաստիճան պաշտոնյաներին կսպառնա մինչեւ 400 հազար դրամի տուգանք: Այս մասին նշված է Վարչական իրավախախտումների օրենսգրքում առաջարկվող փոփոխությունների օրինագծում: Սեպտեմբերի 27-ին օրինագիծը խորհրդարանում ներկայացրել է արդարադատության նախարարի պաշտոնակատար Արփինե Հովհաննիսյանը:
Օրինագծի համաձայն՝ սահմանված ժամկետում հայտարարագիր չներկայացրած բարձրաստիճան պաշտոնյային նախ կնախազգուշացնեն, իսկ 30 օր հետո կտուգանեն 200 հազար դրամով: Սահմանված կարգի խախտումներով լրացնելը նույն կերպ կպատժվի: Անզգուշության սխալի համար (այդ թվում՝ սխալ թվերը) առաջարկվում է անմիջապես տուգանել՝ 200-400 հազար դրամով (840 դոլար):