10-15 տարվա ընթացքում քաղաքապետարանները սկսել են եկամուտների հավաքումը հասցնել գրեթե 100 տոկոսի: Այս մասին սեպտեմբերի 27-ին ԱԺ-ում հայտարարել է տարածքային կառավարման եւ զարգացման առաջին փոխնախարար Վաչե Տերտերյանը՝ խորհրդարանի արտահերթ նիստում ներկայացնելով «Ֆինանսական հավասարեցման մասին» օրինագիծը:
Նրա խոսքով՝ 10-15 տարի առաջ այդպիսի քաղաքապետարանների թիվը կարելի էր մատների վրա հաշվել: Այժմ հակառակը՝ եզակի են այն քաղաքապետարանները, որոնք հողի եւ գույքահարկերը հավաքում են 80 եւ պակաս տոկոսով:
«Այլ հարց է, որ համայնքների սեփական եկամուտները պետք է ավելացնել, քանի որ քաղաքապետարանների եկամուտների գերակշիռ մասը Երեւանից տրամադրվող դոտացիաներն են»,- հավելել է Տերտերյանը: