Մեզանից յուրաքանչյուրը կարող է ստուգել Հայաստանի բնակչության պետական ռեգիստրի պաշտոնական տվյալները: Այս մասին սեպտեմբերի 27-ին խորհրդարանում հայտարարել է տարածքային կառավարման եւ զարգացման առաջին փոխնախարար Վաչե Տերտերյանը՝ ելույթ ունենալով «Ֆինանսական հավասարեցման մասին» օրինագծի քննարկման ժամանակ:
Պատասխանելով ընդդիմադիր պատգամավորների տեղից հնչող դիտողություններին, որ գյուղերում 7-8 տների վրա հաշվառվում են 1,5 հազար գոյություն չունեցող ընտրողներ, Տերտերյանը նշել է, որ պաշտոնական ռեգիստրի տվյալները բոլորին հասանելի են եւ դրանց կարելի է ցանկացած պահի ծանոթանալ օնլայն ռեժիմով:
«Պատրաստ չեմ հենց հիմա պատասխանելու՝ որտեղ եւ ինչքան մարդ է ապրում, բայց դրա կարիքը նաեւ չկա: Բոլոր հարցերի պատասխանները կարող եք գտնել այդ պաշտոնական տվյալներում»,- հավելել է նա: