Այն լուրերը, թե Գյումրիի քաղաքապետի թեկնածու Սամվել Բալասանյանը գնում է ընտրողների ձայները, մերկապարանոց են: Այդ մասին սեպտեմբերի 27-ին Ազգային Ժողովում հայտնել է խորհրդարանի փոխնախագահ, ՀՀԿ-ական պատգամավոր Հերմինե Նաղդալյանը` մեկնաբանելով իր` Բալասանյանի շտաբի հայտարարությունը:
Իր հայտարարության մեջ, հավելել է նա, Բալասանյանի շտաբը հերքել է որոշ ԶԼՄ-ների մերկապարանոց հայտարարություններն ընտրողներին գնելու եւ այլ անթույլատրելի խախտումների մասին: «Իմ կողմից ուզում եմ դարձյալ ընդգծել. մենք ընդհանրապես կարիք չունենք ընտրություններում նման անօրինական միջոցներով հաղթելու», - հավելել է Նաղդալյանը:
Նշենք, որ հոկտեմբերի 2-ին Գյումրի եւ Վանաձոր քաղաքների ավագանու խորհուրդների ընտրություններն առաջին անգամ կընթանան համամասնական ցուցակներով: Հաղթող քաղաքական ուժը կկարողանա քաղաքապետ նշանակել:
