Առողջապահության նոր նախարար Լեւոն Ալթունյանը պլանավորում է առաջին հերթին ծանոթանալ նախարարության կոլեկտիվի հետ: Այս մասին NEWS.am-ի հետ զրույցում ասել է ինքը՝ նախարարը:
«Առաջին հերթին ուզում եմ ծանոթանալ կոլեկտիվին, զգալ մթնոլորտը եւ գնահատել աշխատակիցների ունակությունները»,- ասել է նա:
Նախարարը նշել է, որ պլանների մասին առավել մանրամասն կհայտնի մեկ ամսից, իսկ առաջին արդյունքները հնարավոր է ամփոփել 100 օր անց:
Հիշեցնենք, որ ՀՀ նախագահ Սերժ Սարգսյանի հրամանագրով այսօր՝ սեպտեմբերի 27-ին, Լեւոն Ալթունյանը նշանակվել է Հայաստանի Հանրապետության առողջապահության նախարար: