ԱՄՆ պետքարտուղար Ջոն Քերրիի հետ հանդիպման արդյունքներով Վենեսուելայի նախագահ Նիկոլաս Մադուրոն հայտնել է ԱՄՆ-ի հետ լավ հարաբերություններ կառուցելու ցանկության եւ դրական երկկողմանի օրակարգի մասին, փոխանցում է «ՌԻԱ Նովոստին»:
Մադուրոյի ու Քերրիի հանդիպումը անցել է մեկ շաբաթ առաջ Կոլումբիայի Կարտախեն քաղաքում, որտեղ նրանք մասնակցում էին այդ երկրի իշխանությունների ու խռովարարների միջեւ խաղաղության մասին վերջնական համաձայնագրի ստորագրման արարողությանը:
«Ես ուզում էի ու ուզում եմ Բարաք Օբամայի, նաեւ ԱՄՆ հաջորդ նախագահի հետ հարաբերությունների լավացում»- ասել է Վենեսուելայի առաջնորդը իր «Մադուրոյի հետ » ամենշաբաթյա ծրագրում: Նրա խոսքով Քերրիի հետ հանդիպումը անցել է դիվանագիտական հաճելի մթնոլորտում:
