Հարկային օրենսգրքով առաջարկվում է ձեռնակությունների հիմնական ֆոնդերի համար չերկարացնել ամորտիզացիոն մասհանումները: Այս մասին սեպտեմբերի 28-ին հայտարարել է ՊԵԿ պետի տեղակալ Վախթանգ Միրումյանը՝ ԱԺ-ում երկրորդ ընթերցմամբ քննարկման ներկայացնելով Հարկային օրենսգրքի օրինագիծը:
Նրա խոսքով՝ ամորտիզացիոն մասհանումների ներկայիս ժամկետները արագացված են, եթե համեմատենք եւ՛ միջազգային պրակտիկայի, եւ՛ ակտիվների ծառայության իրական ժամկետի հետ: «Ակնհայտ է դառնում, որ արագացված ամորտիզացիան ներդրողներին ուղղակի թույլ է տալիս արագ կրճատել իրենց հարկային բազան: Մենք նման տարբերակի հակված չենք, չնայած այդպիսի պոտենցիալ հնարավորություն ներդրողների համար կպահպանենք»,- ասել է Միրումյանը:
Նախկինում Գործարարների միությունը, հակառակը, ելույթ էր ունեցել սարքավորումների արագացված ամորտիզացիայի օգտին, որը նրանց թույլ կտար այն հաճախակի փոխել: Հայաստանում արտադրական տեխնիկայի մասհանումների ժամկետը 3 տարի է, իսկ համակարգիչների համար՝ ընդամենը 1 տարի: Գործնականում թե՛ մեկը, թե՛ մյուսն ավելի երկար են ծառայում, սակայն արագացված մասհանումները թույլ կտային շահութահարկի գծով տնտեսել: