ՀԱԿ խմբակցության պատգամավոր, նախկին վարչապետ Հրանտ Բագրատյանն առաջարկում է հարկել հայ առաքելական եկեղեցին:
«Ինչո՞ւ Հայ առաքելական եկեղեցին չպետք է հարկ չտա: Աշխարհը փոխվել է: Այդ հարկի պատճառով 1536 թվականին Հենրի 8-րդը անջատվեց կաթոլիկ եկեղեցուց»,-այսօր՝ սեպտեմբերի 28-ին, ԱԺ-ում հայտարարել է Բագրատյանը:
«Հայ առաքելական եկեղեցու պատճառով, գիտեք, տարբեր պատմական գնահատականներ կան, նրա տնտեսական հզորացման պատճառով մենք երկու անգամ պետականություն ենք կորցրել՝ 428 եւ 1045 թվականներին: Դուք բացատրում եք, որ օրենքով այդպես չէ: Բա մենք դա ենք ասում՝ փոխեք»,-ընդգծեց նա:
Վախթանգ Միրումյանը, անդրադառնալով եկեղեցու հարկմանը, նշեց՝ եթե պատգամավորը պնդում է, իրենք կարող են վերանայել դա. «Մենք նկատառումներ ունենք՝ նման շինությունների հետ կապված կադաստրային արժեքների գնահատման հետ. դա բեռ է կրոնական կազմակերպությունների համար, դրա համար այս արտոնությունները պահպանել ենք: Անշարժ գույքի հետ կապված առաջիկայում հարկումն իրականացնելու ենք, հիմա պատրաստ չենք: Իսկ անհատ ձեռնարկատերերը շատ են, որ ԱԱՀ դաշտում ու հարկ վճարելը կապ չունի անհատ ձեռնարկատեր լինելու հետ: Հստակեցնենք հարցադրումը եւ կոնկրետ կպատասխանեմ»:
