Հայաստանի ԱԺ 14 պատգամավորներ ստորագրել են Անդրիաս Ղուկասյանի խափանման միջոցը փոխելու մասին դիմումը, որն ուղարկվել է Հայաստանի քննչական կոմիտե:

Նշենք, որ «Ալյանս» կուսակցության նախագահ, ԱԺ պատգամավոր Տիգրան Ուրիխանյանը ԱԺ պատգամավորների ստորագրահավաք էր Անդրիաս Ղուկասյանի խափանման միջոցը փոխելու համար:

Այսօր՝ ժամը 14:00-ին, ՀՀ Քննչական կոմիտե է ուղարկվել պատգամավոր Տ. Ուրիխանյանի նախաձեռնությամբ ԱԺ 14 պատգամավորների կողմից ստորագրված Անդրիաս Ղուկասյանի խափանման միջոցը փոխելու վերաբերյալ դիմումը:

Դիմումի տակ ստորագրել են հետեւյալ պատգամավորները. Տիգրան Ուրիխանյան,  Զարուհի Փոստանջյան, Էլինար Վարդանյան, Վահե Հովհաննիսյան, Ստեփան Մարգարյան,  Խաչատուր Քոքոբելյան, Ալեքսանդր Արզումանյան, Թեւան Պողոսյան, Արմեն Ավետիսյան, Վահան Կարապետյան, Վահե Էնֆիաջյան, Ստեփան Դեմիրճյան, Հեղինե Բիշարյան, Լեւոն Դոխոլյան։

Հիշեցնենք, որ Անդրիաս Ղուկասյանին մեղադրանք է առաջադրվել 225-րդ հոդվածի առաջին մասի հատկանիշներով` զանգվածային անկարգություններ հրահրելը։