Հարկի վճարումը սահմանված ժամկետներից ուշացնելու համար տույժերն առաջարկում են կրկնակի կրճատել: Այս մասին սեպտեմբերի 28-ին ԱԺ-ում ասել է ՊԵԿ ղեկավարի տեղակալ Վախթանգ Միրումյանը՝ ներկայացնելով Հարկային օրենսգրքի նախագիծը:
Ներկայումս տույժերը նշանակվում են ուշացման ամեն օրվա դիմաց հարկային պարտքի 0.15 տոկոսի չափով՝ մինչեւ 365 օր շարունակ: Այժմ առաջարկվում է տույժը սահմանել 0.075 տոկոսի չափով:
Եթե պարզվի, որ հարկատուն դիտավորյալ է ուշացնում վճարումը, ապա տույժեր կսահմանվեն ոչ թե 365 օրվա համար, այլ մինչեւ 730: