Քաղաքաշինությամբ զբաղվող մարմնին չեն փոխանցվի ճարտարապետական հուշարձանները: Այս մասին սեպտեմբերի 28-ին ԱԺ արտահերթ նիստում ասել է արդարադատության նախարար Արփինե Հովհաննիսյանը՝ ելույթ ունենալով «ՀՀ կառավարության կառուցվածքի մասին» օրենքում փոփոխությունների նախագծի քննարկման ժամանակ:
Ինչ վերաբերում է ներկայիս Քաղաքաշինության նախարարությանը, ապա Կառավարության որոշումը չի փոխվել: Օրինագծով առաջարկվում է լուծարել այն: Զբոսաշրջության եւ մյուս ճյուղերի համար առաջարկվում է Կառավարությանն առընթեր կոմիտեներ ստեղծել, կոնկրետ առաջարկները կներկայացվեն ավելի ուշ: