2017 թվականից շահութհարկի կանխավճարները հնարավոր է վճարել ավելի մեղմ ռեժիմով: Այս մասին սեպտեմբերի 28-ին հայտարարել է ՊԵԿ պետի տեղակալ Վախթանգ Միրումյանը՝ խորհրդարանում երկրորդ ընթերցմամբ քննարկման ներկայացնելով Հարկային օրենսգրքի օրինագիծը:
Ներկայիս համակարգի համաձայն՝ ընթացիկ տարում ձեռնարկատերը պետք է մուծի շահույթի այն գումարի 75 տոկոսից ոչ պակաս, որը վճարել է անցյալ տարի: «Սակայն չի կարելի բացառել, որ ձեռնարկության շահութաբերությունը կտրուկ նվազել է, եւ այն այդքան գումար պարզապես չի կարող վճարել: Այդ պատճառով այլընտրանք ենք առաջարկում: Բավական է հարկային ծառայությանը էլեկտրոնային դիմում ներկայացնել եւ անցնել կանխավճարման, որոնք կապված են ընթացիկ շրջանառության հետ: Բիզնեսի օգտին այս միջացառումը ուժի մեջ կմտնի Հարկային օրենսգրքի հիմնական տեքստից ավելի վաղ՝ 2017 թվականին, այլ ոչ թե 2018-ին»,- նշել է Միրումյանը: