Սոչիում սեպտեմբերի 28-ին ավարտվեց «Ժամանակակից մեդիա. պատրանքներ թե իրականության արտացոլում» Միջազգային հարավկովկասյան մեդիաֆորումը:
Մեդիաֆորումին մասնակցում էին Հայաստանի, Ռուսաստանի, Վրաաստանի եւ Ադրբեջանի լրատվամիջոցների խմբագրեր, տեսաբաններ եւ լրագրողներ: Մեդիաֆորումին մասնակցում էր նաեւ NEWS.am լրատվական գործակալությունը: Բոլոր մասնակիցներին վկայագրեր են հանձնվել:
Ֆորումի շրջանակներում քննարկվել են այնպիսի արդիական հարցեր, ինչպես քաղաքական առաջնորդների կերպարի ընկալումը ժամանակակից մեդիադաշտում, Ազգային հարցը մեդիադաշտում, Նոր տեղեկատվական պատերազմներ. մեթոդներ եւ տեխնոլոգիաներ:
Ֆորումը կազմակերպել էին ԱՊՀ երկրների հումանիտար համագործակցության ֆոնդը, ԱՊՀ անդամ երկրների համագործակցությունը, «Հյուսիս-Հարավ» քաղաքագիտական կենտրոնը, Ռուսաստանի երիտասարդության միությունը:
