2025 թվականից Հայաստանի ԱԱՀ գոտում գտնվող գյուղատնտեսական ձեռնարկությունները շահութահարկ կվճարեն: Այս մասին սեպտեմբերի 28-ին հայտարարել է ՊԵԿ պետի տեղակալ Վախթանգ Միրումյանը՝ խորհրդարանում երկրորդ ընթերցմամբ քննարկման ներկայացնելով Հարկային օրենսգրքի օրինագիծը:
Նա ընդգծել է, որ խոսքը չի վերաբերում անհատ գյուղացիներին, այլ ձեռնարկություններին, ըստ որում՝ այնքան խոշոր, որ գործում են ԱԱՀ ռեժիմով:
«Մենք արտոնություններ էինք կիրառում գյուղատնտեսական ձեռնարկությունների համար: Բայց հիմա կարծում ենք, որ եթե նրանք շահույթ ունեն, պետք է դրանից հարկ վճարեն, ինչպես մյուսները»,- հավելել է Միրումյանը:
