ՄԱԿ գլխավոր քարտուղար Բան Կի Մունը ողջունել է Ուկրաինայի արեւելքում խոցված «Մալայզիական ավիաուղիների» «Բոյինգի» կործանման մասին գործով քրեական հետաքննության նախնական արդյունքների հրապարակումը:
ՄԱԿ գլխավոր քարտուղարը հիշեցրել է, որ Անվտանգության խորհրդի անդամները իրենց բանաձեւով հայտնել են, որ անհրաժեշտ է հասնել նրան, որ ողբերգության մեղավորները պատժվեն ու այդ կապակցությամբ բոլոր երկրներին կոչ է արել համագործակցել մեղավորներին գտնելու հարցում: «Մենք կարծում ենք, որ այդ քրեական հետաքննության ավարտը ու տեխնիկական հետաքննության տվյալները չափազանց կարեւոր են մեղավորներին պատասխանատվության կանչելու համար»- ասել է նրա մամուլի քարտուղար Ստեֆան Դյուժարիկը:
Միջազգային քննչական խումբը, որում ընդգրկված են Նիդեռլանդները, Մալայզիան, Ավստրալիան, Բելգիան ու Ուկրաինան ներկայացրել են մի զեկույց, որում հաստատել է մալայզիական «Բոյինգի» վթարի պատճառը: Միջազգային քննիչները եկել են նախնական եզրակացության, որ օդանավը խոցվել է հրթիռով, որը արձակվել էր զինված խմբավորումների հսկողության տակ գտնվող տարածքից:
Հիշեցնենք, որ 2014-ի հուլիսին Ուկրաինայի արեւելքում կործանվել էր մալայզիական ավիաընկերության օդանավը, ինչի հետեւանքով զոհվել էին մոտ 298 մարդ, այդ թվում 80 երեխա: