Թուրքիայի ազգային անվտանգության խորհուրդը, որի նիստն անցել է երկրի նախագահ Ռեջեփ Թայիփ Էրդողանի նախագահությամբ, առաջարկել է երկարացնել արտակարգ դրության ռեժիմը, որը ներդրվել էր երեք ամսով Թուրքիայում հուլիսի 16-ի գիշերը կատարված հեղաշրջման փորձից հետո, հայտնում է «ՌԻԱ Նովոստին»:
«Մեր քաղաքացիների իրավունքների ու ազատությունների, ժողովրդավարության ու իրավական պետության սկզբունքների պաշտպանությանն ուղղված միջոցառումների արդյունավետ կիրառման շարունակությունն ապահովելու նպատակով, կայացվել է որոշում՝ առաջարկել երկարաձգել արտակարգ դրության ռեժիմը»,- ասվում է նիստի արդյունքներով հրապարակված գրավոր հայտարարության մեջ: