Վայոց ձորի մարզի Հորբատեղ գյուղում այս գիշեր արջը մտել է բնակիչներից մեկին պատկանող գոմ եւ հոշոտել երկու կենդանու:
Ինչպես հայտնում են ԱԻՆ լրատվական ծառայությունից, ահազանգը ստացվել է այսօր վաղ առավոտյան: Դեպքի վայր մեկնած մարզային ճգնաժամային կառավարման կենտրոնի օպերատիվ խումբը պարզել է, որ գիշերն արջը մտել է Հորբատեղ գյուղի կենտրոնական փողոցի թիվ 12 տան մոտակայքում գտնվող գոմ եւ հոշոտել 1 ցուլիկ, իսկ «Շորեր» կոչվող տարածքում` 1 ոչխար: