Ֆիլադելֆիայի ոստիկանությունը սպանել է տղամարդուն, որը դանակով հարվածներ էր հասցրել 2 երեխայի, այդ թվում՝ իր որդուն, եւ հարձակվել դստեր ու եւս 2 մարդու վրա, հայտնում է ABC6-ը:
Ոստիկանության տեղեկություններով՝ միջադեպը տեղի է ունեցել չորեքշաբթի երեկոյան: Տղամարդը հարձակվել էր իր 15-ամյա դստեր վրա, քաշել նրա պարանոցից, դանակի հարվածներ հասցրել 8-ամյա որդուն եւ նրա 13-ամյա ընկերոջը: Տղաները ծանր վիճակով հիվանդանոց են տեղափոխվել:
Հետո տղամարդը գնացել էր իր ընկերների տուն, որտեղ հարձակվել էր 2 կնոջ վրա, որոնցից մեկին դանակի հարվածներ էր հասցրել:
Դեպքի վայր ժամանած ոստիկանությունը կրակ էր բացել նրա ուղղությամբ: Տղամարդն ավելի ուշ հիվանդանոցում մահացել էր:
