Մշակույթի նախարարությունը նոր խթան կստեղծի հրատարակչությունների համար: Այս մասին սեպտեմբերի 29-ին՝ Կառավարության նիստից հետո, լրագրողներին ասել է գերատեսչության նոր ղեկավար Արմեն Ամիրյանը:
Նրա խոսքով՝ գրախանութները պետք է կինոթատրոնների նման դառնան հանգստի վայր ամբողջ ընտանիքի համար: «Ծնողները եւ երեխաները պետք է միասին գնան գրախանութներ եւ գրադարաններ, ծանոթանան նոր գրքերին: Կարծում եմ, որ դա խթան կդառնա հրատարակչական գործունեության համար: Ինչպես հասնել դրան, մենք այդ հարցը կքննարկենք»,- ասել է Ամիրյանը:
