Հայաստանում թմրանյութերի դեմ պայքարի համար 8.8 մլն դրամ կհատկացվի: Այս մասին համապատասխան որոշումն ընդունվել է սեպտեմբերի 29-ին Կառավարության նիստում: Փոխոստիկանապետ Վարդան Եղիազարյանի խոսքով՝ ծրագիրը ներառում է 19 միջոցառում, այդ թվում՝ կանեփի եւ կակաչի ապօրինի աճեցման վերահսկողություն:
Պայքարի մեկ այլ ուղղություն է զինվորականների շրջանում թմրանյութերի գործածման դեմ պայքարը եւ ցանկացած նման դեպքի բազմակողմանի հետաքննությունը: