Միջազգային քրեական դատարանի գլխավոր դատախազ Ֆատու Բենսսուդան հայտնել է որ նախնական հետաքննություն է սկսվում Գաբոնում ընտրությունների արդյունքների վերաբերյալ բողոքի ակցիաների ժամանակ տեղի ունեցած անկարգությունների կապակցությամբ, հայտնում է AFP–ը
Նրա խոսքով Գաբոնի կառավարությունը դիմել է անհապաղ հետաքննություն սկսելու խնդրանքով՝ մեղադրելով երկրի ընդդիմության առաջնորդին ցեղասպանություն հրահրելու ու մարդկության դեմ հանցագործությունների մեջ: Նա նշել է, որ իր գրասենյակը նախնական փորձաքննություն կկատարի, պարզելու համար՝ արդյոք բավարար ապացույցներ կան լիարժեք հետաքննության համար: