12-րդ ամենամյա ԴիջիԹեք տեխնոլոգիական ցուցահանդեսի DigiTec Expo բջջային հավելվածն արդեն հասանելի է Google play-ում (ներբեռնել):
Բջջային նոր հավելվածը ԴիջիԹեքի բոլոր մասնակիցներին եւ այցելուներին թույլ կտա հեշտ կողմնորոշվել ցուցահանդեսային տարածքում, քարտեզի վրա տեսնել, թե որ ընկերությունը որտեղ է գտնվում։ Հավելվածում առկա է օրակարգ։ DigiTec Expo բջջային նոր հավելվածը ներառում է նաեւ ներկայացված ընկերությունների մասին տեղեկություն, ինչպես նաեւ՝ թափուր աշխատատեղերի վերաբերյալ ինֆորմացիա։
Բջջային հավելվածը ստեղծվել է FlyCode ընկերության կողմից, որը նույնպես մասնակցում է ԴիջիԹեք ցուցահանդեսին:
Նշենք, որ «Տոն տեխնոլոգիական հայության համար» կարգախոսը կրող ԴիջիԹեք ցուցահանդեսը կընթանա սեպտեմբերի 30-ից հոկտեմբերի 2-ը, «Երեւան էքսպո» կենտրոնում (Մերգելյան ինստիտուտի տարածքում): Այն իրականացվում է Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից՝ ՀՀ վարչապետի բարձր հովանու ներքո, իսկ պլատինե հովանավորն է Ucom կապի միասնական օպերատորը:
