Հայաստանի ԱԻՆ-ում, սեպտեմբերի 29-ին, ժամը 20.50-ին ահազանգ է ստացվել, որ Երեւան-Արմավիր ավտոճանապարհին տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Էջմիածին-Արմավիր ավտոճանապարհի 10-րդ կմ-ին, բախվել են «Օպել Աստրան Ջ» մակնիշի 28TM888 (վարորդ` 42-ամյա Ա. Հ.) եւ «ՎԱԶ-3110» մակնիշի 25SO732 (վարորդ՝ Ս. Դ.) համարանիշի ավտոմեքենաները:
Հրշեջ-փրկարարները հոսանքազրկել են «Օպել Աստրան Ջ» ավտոմեքենան, փակել գազի բալոնի փականը եւ ավտոմեքենայից դուրս են բերել Ա. Հ.-ին եւ մոտեցրել շտապօգնության ավտոմեքենային, ով հոսպիտալացվել է Վաղարշապատի ԲԿ, որտեղ բժիշկները տուժածի առողջական վիճակը գնահատել են բավարար:
Հրշեջ-փրկարարները «Օպել Աստրան Ջ» ավտոմեքենան մոտեցրել են ավտոքարշակին:
