Հնդկաստանն ավելի քան 10000 գյուղական բնակչի է տարհանել Պակիստանին սահմանակից շրջաններից` վախենալով ենթադրյալ գրոհայինների դեմ հատուկ գործողության հետ կապված իրավիճակի սրումից, հայտնում է Reuters-ը:
Տարհանումը սկսվել է այն բանից հետո, երբ Հնդկաստանը հայտնել է վերահսկողության ամբողջ գծով կամ դե ֆակտո սահմանով հարվածներ հասցնելու մտադրության մասին Քաշմիրի գրոհայինների կողմից նախապատրաստվող գրոհների հետ կապված: Գործակալությունը նշում է, որ Հնդկաստանի հայտարարությունը «վիրահատական հարվածներ» հասցնելու անհրաժեշտության մասին կարող է ռազմական լարվածություն առաջացնել եւ խափանել Քաշմիրի հետ կնքված հրադադարի համաձայնագիրը:
