Չինաստանի բնակիչ Ցի Յուանհայը գրավել է չթօ-ների մասնագետների ուշադրությունը, որոնք կյանքի արտերկրային ձեւեր են որոնում: Հարցն այն է, որ Ցի Յուանհայը գլխի այլմոլորակային ձեւ ունի, ինչը չափազանց հետաքրքրել է գիտնականներին, հայտնում է Informing-ը:
Լաուտու բնակավայրում ապրող տղամարդու գլխի ոսկրային հյուսվածքը չափազանց աճել է, իսկ դեմքը լայնությամբ մեծացել է եւ ձեւախեղվել, ինչը դրա համամասնությունների խախտման է հանգեցրել: Պետք է ասել, որ արտասովոր արտաքինով չինացին արդեն բազմաթիվ հետազոտություններ է անցել եւ արդյունքում բժիշկները ստիպված են եղել արձանագրել, որ սարսափելի էկոլոգիան գնալով ավելի հաճախակի է նման երեւույթների պատճառ դառնում:
Արժե նշել, որ ինքը` այլմոլորակայինի արտաքին ունեցող 53-ամյա տղամարդն այդ առումով սկսել է անհանգստանալ միայն վերջերս: Իր «երկրային» կերպարանքը վերագտնելու համար Ցի Յուանհայը մի շարք պլաստիկ վիրահատությունների իրականացման համար փող է հավաքում: Այդ հարցում նրան օգնում է եղբայրը, որին շրջանցել է նման անոմալիան: