ՌԴ ԱԳՆ-ն «Արդարադատությունն ընդդեմ ահաբեկչության հովանավորների» օրենքի ընդունումն ԱՄՆ-ում անվանել է «արհամարհանք միջազգային իրավունքի նկատմամբ»:
«ԱՄՆ-ն, որտեղ շատ քաղաքական գործիչներ չափից շատ են հավատացել իրենց սեփական բացառիկությանը, համառորեն շարունակում է իր օրենսդրությունը ամբողջ աշխարհի վրա տարածելու իր քաղաքականությունը, հաշվի չնստելով պետական ինքնիշխանության ու սովորական սթափ դատողության հասկացությունների հետ»- ասվում է ՌԴ ԱԳՆ մեկնաբանության մեջ:
«Այն, որ ԱՄՆ-ն ակտիվ օգտագործում է իր դատական համակարգը արտաքին քաղաքական շահերի օգտին, մեզ վաղուց է հայտնի ու արդեն սովորական է՝ հաշվի առնելով Ռուսաստանի ու նրա քաղաքացիների նկատմամբ ակնհայտորեն պատվիրված ու կողմնապահ դատավճիռների փորձը: Հիմա այդ նույն կամայականություններին՝ ոչ ցանկալի պետությունների հանդեպ քաղաքականացված մեղադրանքներին, կարող է բախվել ամբողջ աշխարհը
Ընդ որում բառացիորեն ամբողջ աշխարհը: Ցանկացած ամերիկացի կարող է դատի տալ ցանկացած երկրի, անհիմն մեղադրելով նրան բոլոր մահացու մեղքերի համար, ու ամերիկյան դատարանը պետք է գնահատական տա օտարերկրյա կառավարությունների գործողություններին ու վճիռներ կայացնի տուգանքների, կամ ասենք ԱՄՆ-ում օտարեկրյա ունեցվածքի ու ակտիվների կալանքի մասին»- համարում են ՌԴ ԱԳՆ-ում:
Ակնհայտ է, որ միջազգային ամենաառանցքային իրավական սկզբունքներից մեկի՝ ինքնիշխան պետությունների նկատմամբ դատաստանի անթույլատրելիության փլուզումը շատ շուտով ո ւ շատ ցավոտ կհարվածի հենց ԱՄՆ-ին: Պատահական չէ, որ ի տարբերություն Կոնգրեսի՝ Սպիտակ տանը աշխատել է ինքնապահպանման բնազդը: Մի խոսքով, ամերիկացինեի փառասիրությունը նրանց ծուղակն է գցել, ինչը նրանք շուտով կհասկանան:
