Երեւանում մեկնարկել է DigiTec Expo տեղեկատվական տեխնոլոգիաների ցուցահանդեսը: Ցուցահանդեսի բացմանը մասնակցել է նախագահ Սերժ Սարգսյանը: Նա դիտել է ցուցադրավահանակները եւ ծանոթացել հանրապետության տեղեկատվական տեխնոլոգիաների եւ ինժեներների ձեռքբերումներին (ֆոտոռեպորտաժ):
Հայաստնաի տեղեկատվական տեխնոլոգիաների ձեռնարկությունների միության (UITE) գործադիր տնօրեն Կարեն Վարդանյանի խոսքով՝ այս տարի ցուցահանդեսում կներկայացվեն պաշտպանական մշակումների ընդարձակ ցուցադրություններ: «Մենք ցանկանում ենք ցույց տալ, որ Հայաստանում ստեղծվող բարձր տեխնոլոգիաները կարող են նպաստել մեր երկրի պաշտպանունակությանը»,- հայտարարել է նա:
«Մենք անչափ ուրախ ենք ՏՏ ճյուղի այսչափ դինամիկ զարգացման համար եւ կարծում ենք, որ երկրի տնտեսության մեջ նրա դերը կարող է էլ ավելի նշանակալից լինել»,- հայտարարել է տրանսպորտի եւ կապի նորանշանակ նախարար Վահան Մարտիրոսյանը: