Ցուցահանդեսի ժամանակ ՀՀ նախագահ Սերժ Սարգսյանը շատ մանրակրկիտ զննել է պաշտպանական մշակումներ ներկայացնող ստենդները: Այս մասին լրագրողներին ասել է պաշտպանության փոխնախարար, ՀՀ ռազմական արդյունաբերության պետական կոմիտեի նախագահ Դավիթ Փախչանյանը սեպտեմբերի 30-ին՝ Երեւանում ցուցահանդեսի բացման ժամանակ (ֆոտոռեպորտաժ):
«Նախագահը հետաքրքրվել է ռազմական նշանակության մշակումներով: Ցուցահանդեսի ժամանակ ներկայացվել են մոդելներ, որոնք մոտ են սպառազինումների նախատիպերին ու մշակող ընկերությունների հետ մենք շատ լուրջ քննարկում ենք ունեցել: Ապրիլյան իրադարձություններից հետո մեր երկրի պաշտպանական տեխնոլոգիաներում լուրջ առաջընթաց է նկատվում»,- հավելել է փոխնախարարը: