Չնայած տնտեսական դժվարություններին՝ Ռուսաստանը բավականաչափ ռեսուրսներ ունի Սիրիայում ռազմական գործողությունը շարունակելու համար: Նման տեսակետ է ներկայացրել ՌԴ նախագահի մամուլի քարտուղար Դմիտրի Պեսկովը BBC News-ի եթերում, փոխանցում է ՏԱՍՍ-ը:
Նրա խոսքով ռուս զինվորականները թույլ չեն տվել, որ ահաբեկիչները «100 տոկոսով գրավեն Սիրիան»: «Ո՞րը կնախընտրեիք՝ որ Սիրիան որպես պետություն անհետանար ու հարյուր հազարավոր խաղաղ բնակիչներ՝ ահաբեկիչերի հետ միասին Եվրոպա փախչեին՝ դուրս գալով վերահսկողությունից»,- հարցնում է Պեսկովը լրագրողին՝ պատասխանելով այն հարցին, որ Ռուսաստանը չի պատկերացնում, թե ինչպես դուրս գա այդ հակամարտությունից:
Պեսկովը նաեւ շեշտել է, որ գործողությունն ավարտելու մասին որոշումը կայացնելու է ՌԴ նախագահը, երբ նպատակը «100 տոկոսով իրագործված կլինի»:
