Արարատի մարզի Հովտաշատ գյուղում դժբախտ դեպք է տեղի ունեցել։ NEWS.am-ին հայտնի է դարձել, որ սեպտեմբերի 29-ին Հովտաշատ գյուղի Սայաթ Նովա փողոցի հարակից տարածքում գտնվող ջրավազանի մոտ հայտնաբերվել է երիտասարդ տղամարդու դի։ Ավելի ուշ պարզվել է, որ նա նույն գյուղի 24-ամյա բնակիչն է։
Նախնական տեղեկություններով՝ էլեկտրական ջրի պոմպի վերանորոգման և միացման աշխատանքներ կատարելիս անզգուշաբար էլեկտրահարվել և տեղում մահացել է: Նշանակվել է դատաբժշկական փորձաքննություն, մահվան հանգամանքները պարզվում են։