Ուրբաթ Ավստրալիայի Գոլդ-Քոսթ քաղաքի Sea World զվարճանքների այգում փրկել են ամերիկյան բլուրների ուղեւորներին: Վագոնը, որով երթեւեկում էին մարդիկ, տեխնիկական անսարքության պատճառով կանգ է առել կառույցի ամենավերին հատվածում, հայտնում է NTDTV-ն: 8 հանգստացողներ մնացել են 30 մետր բարձրության վրա:
Պատահարը տեղի է ունեցել Քվինսլենդի Sea World զվարճանքների այգում: Բոլոր հանգստացողներին տարհանել են, բայց վագոններից մեկը մնացել է բլուրների գագաթին: Մինչ այգու անվտանգության աշխատակիցներ էին վեր մագլցում մարդկանց դուրս բերելու համար, Ավստրալիայի լրատվական հեռուստաալիքը դեպքի վայր է ուղարկել տեսախցիկներով զինված ուղղաթիռ: Պարզվել է, որ հանգստացողներն ընդհանրապես տեղի ունեցածից վախեցած չէին. նրանք սկսել են ուրախ թափահարել ձեռքերը եւ ողջույն ուղարկել ընկերներին:
Բլուրը կոչվում է Storm Coaster, որի բարձրությունը 28 մետր է, երկարությունը՝ 470: Օգնության սպասող ուղեւորները վագոնում են մնացել մոտ 2 ժամ:
Բոլոր ուղեւորներին բարեհաջող իջեցրել են անվտագնության սարքերի միջոցով: Այնուհետեւ նրանց բժիշկներն են զննել: Ոչ մեկի մոտ վնասվածք չի հայտնաբերվել:
Գնացքի ուղեւորների մեծ մասը դեռահասներ էին:
Այս բլուրները այցելուների համար բացվել է 2013 թվականին: Վագոնները զարգացնում են միչեւ 70 կմ/ժամ արագություն: