Բեռլինում ոստիկանությունը հաղորդագրություն է ստացել ծիծաղող Ադոլֆ Հիտլերի հսկայական, շարժվող պատկերի մասին, որն ինստալյացիայի մաս է կազմել, հայտնում է Ասոշեյթեդ Պրեսը:
Գործակալության տվյալներով, միջադեպը տեղի է ունեցել երկուշաբթի ԳԴՀ-ի մայրաքաղաքի շենքերին գերմանացի ավելի քան տասներկու պատմական անձանց դեմքերով լուսային շոուի փորձնական գործարկման ընթացքում: Ոստիկանության խոսքով, Երրորդ Ռեյխի խորհրդանիշների տարածումն արգելված է, բայց այս անգամ բացառություն է արվել հանուն արվեստի:
Ինստալյացիան լուսային շոուի մաս է կազմում, որը կտեւի մինչեւ հոկտեմբերի 23-ը:
