Կոտայքի մարզի Հրազդան քաղաքում իրեն վստահված անասունները վաճառելու միջոցով դրա տիրոջը 8.650.000 դրամի գույքային վնաս պատճառած ու մոտ 3 տարվա ազատազրկման դատապարտված Արամայիս Մարտիրոսյանը պահանջում է արդարացնել իրեն: Դատապարտյալը այս պահանջով բողոք է ներկայացրել ՀՀ վերաքննիչ քրեական դատարան:

Ըստ մեղադրանքի՝ Արամայիս Աշոտի Մարտիրոսյանը 2010թ. հուլիսից մինչեւ 2010թ. նոյեմբերն ընկած ժամանակահատվածում կենդանի եւ մորթված վիճակում վաճառել եւ հափշտակել է իրեն վստահված Հրազդան քաղաքի բնակիչ Տաթեւիկ Բեգլարյանին պատկանող, Հրազդանի Ջրառատ թաղամասի հարեւանությամբ գտնվող անասնագոմում եղած 14 գլուխ մոտ 2 տարեկան խոշոր եղջերավոր անասունները, 21 գլուխ 6-7 ամսական խոզերը, 3 գլուխ մայր խոզերը եւ 4-5 գլուխ գոճիները՝ վերջինիս պատճառելով առանձնապես խոշոր չափի ՝ 8.650.000 ՀՀ դրամի գույքային վնաս:

Դրա համար նա դատապարտվել է  2   տարի 9   ամիս 1  օր ժամկետով` առանց գույքի բռնագրավման։