Կարիբյան ծովում Մեթյու փոթորիկը սեպտեմբերի 30-ի նախօրեին հասել է վտանգավորության ամենաբարձր՝ հինգերորդ կատեգորիայի, հայտնում է ԱՄՆ փոթորիկների դիտարկումերի ազգային կենտրոնը, փոխանցում է «ՌԻԱ Նովոստին»։
Փոթորկի ներսում քամու արագությունը հասնում է ժամում 260 կմ-ի, այն սպառնում է Յամայկային, Կուբային, Հաիթիին, նաեւ Կոլումբիայի ու Վենեսուելայի կարիբյան ափերին։ Հիմա այն մոտ 120 կմ հեռավորության վրա է Կոլումբիայի ափերից ու 710 կմ՝ Յամայկայից։ «Մեթյուն» այս սեզոնին Կարիբյան ծովում ամենաուժեղ փոթորիկն է։
Կոլումբիայում արդեն մեկ մարդ զոհվել է հորդառատ անձրեւներից ու ջրհեղեղից։ Պանամայի իշխանությունները նույնպես տագնապ են հայտարարել «Մեթյուի» կապակցությամբ։ Հինգերորդ կատեգորիայի փոթորկի դեպքում քամու արագությունը հասնում է ժամում 250 կմ-ի, ինչը կարող է աղետալի հետեւանքներ ունենալ։