Տեղեկատվական տեխնոլոգիաների ոլորտում հայկական Instigate ընկերությունը ցանկանում է Ստեփանակերտում իր մասնաճյուղին թույլ տալ առանձնանալ ու անկախ ընկերություն դառնալ: Այս մասին NEWS.am-ի թղթակցի հետ զրույցում նշել է Instigate Design ընկերության հիմնադիր Վահագն Պողոսյանը:
ԼՂՀ մայրաքաղաքում ընկերության մասնաճյուղը դեռեւս պատվերներ է ստանում Instigate-ի կազմում ընդգրկված մեկ այլ ընկերությունից՝ Instigate Mobile-ից: Բայց, հավանական է, որ շուտով ընկերությունը կսկսի տեղի պատվերները կատարել, հիմնականում պաշտպանական, հավելել է Պողոսյանը:
«Նրանք արդեն տեղի պատվերներ կատարում են, սեփական մարկետինգն են վարում, փորձում են գործել որպես ինքնուրույն ընկերություն: Ընդհանուր առմամբ մեր մասնաճյուղերում մենք ողջունում ենք բաժնետոմսեր թողարկելու, անկախ դառնալու եւ ինքնուրույն շուկա դուրս գալու ցանկությունը: Իսկ մեր Ստեփանակերտի գործընկերների հետ նաեւ նոր տեխնոլոգիական արտադրություն հիմնելու պլաններ ունենք»,-ընդգծել է նա: