Գերմանիայի Շվերին քաղաքում այդ երկրի քաղաքացիների եւ օտարերկրացիների միջեւ զանգվածային ծեծկռտուք է տեղի ունեցել, որի հետեւանքով վիրավորվել է մեկ մարդ, հայտնում է dpa-ն:
40 մարդու մասնակցությամբ բախումը տեղի է ունեցել նախօրեին երեկոյան: Դեպքի վայր ժամանած ոստիկանությունը բաժանել է կողմերին: Հարուցվել է քրեական գործ «հասարակական կարգը խախտելու» հոդվածով:
Ոստիկանության ներկայացուցչի խոսքով՝ քաղաքի կենտրոնում հաճախ հավաքվում են 20-30 հոգուց կազմված միգրանտների խմբեր եւ տեղաբնակներ: