Վերամշակող ընկերությունները 2016 թվականի սեպտեմբերի 30-ի դրությամբ ընդհանուր առմամբ մթերել են 62981.9 տոննա խաղող:
Գյուղնախարարությունից NEWS.am-ին հայտնում են, որ մասնավորապես՝
ՀՀ Արարատի մարզում խաղողի մթերումները սկսել են «Վեդի Ալկո», «Տավինկո», «Երասխի գինու գործարան», «Արարատի գինու գործարան», «Ավշարի գինու գործարան», «Վան-777», «Շատո Առնո» ՍՊԸ-ները, «Երեւանի կոնյակի գործարան» ՓԲԸ-ն՝ Այգավանի մթերման կետում, «Պռոշյանի կոնյակի գործարան» ՍՊԸ-ն Մրգավանի մթերման կետում, «Երեւանի «Արարատ» գինու-օղու-կոնյակի կոմբինատ» ԲԲԸ-ն՝ Մասիսի մթերման կետում եւ «Արտաշատ վինկոն» ՓԲԸ-ն:
ՀՀ Արմավիրի մարզում խաղողի մթերումները սկսել են «Ալվան», «Մերձավանի կոնյակի գործարան», «Արփենիկ գինու կոնյակի գործարան» ՍՊԸ-ները, «Երեւանի կոնյակի գործարան» եւ «Իջեւանի գինու, կոնյակի գործարան» ՓԲԸ-ները՝ Արմավիրի մթերման կետերում, «Տիեռաս դե Արմենիա» եւ «ՄԱՊ» ՓԲԸ-ները, «Պռոշյանի կոնյակի գործարան» ՍՊԸ-ն՝ Արմավիրի մթերման կետում, «Երեւանի «Արարատ» գինու-օղու-կոնյակի կոմբինատ» ԲԲԸ-ն՝ Ամասիայի մթերման կետում եւ «Սամկոն» ՍՊԸ-ն՝ Հացիկի մթերման կետում:
ՀՀ Արագածոտնի մարզում մթերումները սկսել են «Արմենիա վայն» գործարան», «Վան Արդի», «Ոսկեվազի գինու գործարան» եւ «Հայասի գրուպ» ՍՊԸ-ները:
ՀՀ Կոտայքի մարզում խաղողի մթերումները սկսել է «Եղվարդի գինու գործարան» ԲԲԸ-ն եւ «Երեւանի շամպայն գինիների գործարան» ԲԲԸ-ն Քանաքեռավանի մթերման կետում:
ՀՀ Տավուշի մարզում խաղողի մթերումները սկսել են «Երեւանի կոնյակի գործարան» ՓԲԸ-ն Բերդի մթերման կետում, «Երեւանի շամպայն գինիների գործարան» ԲԲԸ-ն Քանաքեռավանի մթերման կետում եւ «Իջեւանի գինու, կոնյակի գործարան» ՓԲԸ-ն:
ՀՀ գյուղատնտեսության նախարարությունը խաղողի մթերման պայմանագիր չունեցող գյուղացիական տնտեսություններին առաջարկում է պայմանավորվածություններ ձեռք բերել մթերող ընկերությունների հետ՝ խաղողի իրացումն առանց հերթերի կազմակերպելու նպատակով:
