Հայաստանի ԱԻՄ-ից NEWS.amհայտնում են, որ հոկտեմբերի 1-ին, ժամը 17,22-ին ահազանգ է ստացվել, որ Երեւան-Արմավիր ավտոճանապարհին Գեղակերտ գյուղի խաչմերուկի մոտակայքում տեղի է ունեցել ավտովթար: Ըստ նախնական տվյալների կան տուժածներ. անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ եւ մարզային փրկարարական վարչության օպերատիվ խումբը:

Պարզվել է, որ Երեւան-Արմավիր ավտոճանապարհի 29-րդ կմ-ում, «Lexus» մակնիշի 10 CT 101 համարանիշի (վարորդ 19-ամյա Լ. Ս.) մխրճվել է «ԶԻԼ-130» մակնիշի 34 TD 326 պ/հ (վարորդ Ա. Պ.) ավտոմեքենայի մեջ, ինչի հետեւանքով «Lexus» մակնիշի ավտոմեքենայի ուղեւորներ 35-ամյա Օ. Ջ.-ն եւ 22-ամյա Տ. Ս-ն տեղում զոհվել են:

Փրկարարները Օ.Ջ.-ի եւ Տ.Ս.-ի դիերը մոտեցրել են շտապօգնության ավտոմեքենային, փակել «ԶԻԼ» մակնիշի բեռնատարի գազի բալոնի փականը եւ իրականացրել վառելիքաքսուքային նյութերից ճանապարհի մաքրման եւ լվացման աշխատանքներ:

Shamshyan.com-ի փոխանցմամբ, Lexus-ի վարորդն ու ուղևորները մասնակցում էին հարսանեկան արարողության ու մահացողները մայր ու աղջիկ էին։