ՀՀ նախագահ, Հայաստանի շախմատային ֆեդերացիայի նախագահ Սերժ Սարգսյանն այսօր՝ հոկտեմբերի 1-ին, Հայաստանի շախմատի ակադեմիայում ներկա է գտնվել ս.թ. հոկտեմբերի 1-ից 10-ը Հայաստանում առաջին անգամ անցկացվող Երեւանի շախմատի միջազգային բաց մրցաշարի մեկնարկին:
«Երեւան օփեն» միջազգային մրցաշարի բացման հանդիսավոր արարողությանը մասնակցել է նաեւ Եվրոպայի շախմատի միության նախագահ Զուրաբ Ազմայպարաշվիլին:
Առաջին անգամ անցկացվող մրցաշարին մասնակցելու հայտ են ներկայացրել 11 երկրի 140 շախմատիստներ, որոնց թվում՝ 23 միջազգային գրոսմայստեր եւ 9 միջազգային վարպետ: