Բրիտանական հեղինակավոր The Guardian պարբերականը հոդված է հրապարակել, որտեղ անդրադարձել է «Եկող սերունդ 2016-ին»՝ աշխարհի տարբեր ծայրերից երիտասարդ ու տաղանդավոր ֆուտբոլիստների մասին:
Ցուցակում ներառված են 1999 թ-ի ծնված ֆուտբոլիստներ՝ աշխարհի 60 երկրներից:
Այս ցուցակում է ընդգրկվել նաեւ «Շիրակի» 17-ամյա ֆուտբոլիստ Վահան Բիչախչյանը, որին իր տաղանդով նմանեցնում են Հենրիխ Մխիթարյանի, իսկ խաղաոճով` երիտասարդ Ուեյն Ռունիի հետ:
Բիչախչյանի իր նորամուտը «Շիրակի» կազմում նշել է 16 տարեկանում եւ դարձել Եվրոպայի լիգայում գոլ խփած ամենաերիտասարդ հայ ֆուտբոլիստը: Հոդվածի հեղինակ Արթուր Պետրոսյանը երիտասարդ հայ ֆուտբոլիստի խաղաոճը համեմատում է «Մանչեսթեր Սիթիի» աջ վինգեր Քեվին դե Բրյուինեի խաղաոճին:
«Նա միշտ միտված է դեպի դարպասը, չի վախենում խաբս տալ եւ իր վրա վերցնել նախաձեռնությունը, իր նպատակասլացությամբ ու համառությամբ, Վահանը հիշեցնում է երիտասարդ Ռունիին: Սեպտեմբերի կեսերին նա արդեն երկու գոլ էր խփել եւ մեկ գոլային փոխանցում արել իր դեբյուտային մրցաշրջանում «Շիրակի» կազմում: Հենց այդպիսի վիճակագրություն նա ունի նաեւ Հայաստանի Մ-19 տարեկանների հավաքականում, ուր նա հրավիրվել է՝ շրջանցելով իր հասակակիցների տարիքային հավաքականը»- գրում է The Guardian –ը: