Գերմանիայի ՆԳ նախարար Թոմաս դե Մեզիերն անհրաժեշտ է համարում հնարավորինս արագ եւ հանգամանորեն հետաքննել Լայպցիգի բանտում ահաբեկչության մեջ կասկածվող սիրիացի Ջաբեր ալ Բաքրի մահվան հանգամանքները, հայտնում է DW–ն։
22-ամյա Ալ Բաքրին կախված էին գտել հոկտեմբերի 12-ին իր բանտախցում։ Կասկածյալը կախվել էր սեփական վերնաշապիկով, հայտնել է Սաքսոնիա դաշնային գողի արդարադատության նախարար Սեբաստիան Գեմկովը։
Մեզյերը պահանջել է, որ սիրիացու մահվանը հանգեցրած՝ անվտանգության ծառայության աշխատակիցների թույլ տված սխալների վերլուծությունը պետք է «անխնա» լինի։
Նշենք, որ Գերմանիայում ապաստան ստացած Ջաբեր ալ Բաքրին կասկածում են Բեռլինի օդանավակայաններից մեկում կամ երկաթուղային կայարանում ահաբեկչություն նախապատրաստելու մեջ։ Նրա բնակարանում ոստիկանությունը 1.5 կգ պայթուցիկ էր գտել։