Հայաստանի եւ ԵՏՄ անդամ չհանդիսացող երկրների հետ առեւտրում ոչ սակագնային սահմանափակող միջոցները կձեռնարկվեն ԵՏՄ նորմերով։ Այս մասին համապատասխան որոշումն ընդունվել է հոկտեմբերի 13-ին Կառավարության նիստում։
Տնտեսական զարգացման եւ ներդրումների փոխնախարար Էմիլ Տարասյանի խոսքով՝ ապրանքները, որոնց վրա արգելքներ եւ սահմանափակումներ կմտցվեն, կհամաձայնեցվեն ԵՏՄ կանոնակարգերի հետ։
«Այդ ժամանակ դրանք պետք կլինի հրապարակել նախարարության կայքում, որպեսզի գործարարները Եվրասիական կոլեգիայի փաստաթղթերում չփնտրեն իրենց անհրաժեշտ կանոնակարգերը»,– ասել է Կառավարության աշխատակազմի ղեկավար–նախարար Դավիթ Հարությունյանը։