Արագածոտնի մարզի Կարբի գյուղի մոտակայքում տեղի է ունեցել ավտովթար: Հայաստանի ԱԻՆ-ում, այսօր՝ հոկտեմբերի 13-ին, ժամը 12.45-ին ահազանգ է ստացվել, որ կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Կարբի-Արա լեռ ավտոճանապարհի 4-րդ կմ-ին իրար են բախվել VAZ-2106 մակնիշի 34 VA 168 պ/հ (վարորդ 52-ամյա Ս. Ե.) եւ VAZ-2102 մակնիշի 61 OO 746 պ/հ (վարորդ 50-ամյա Ա. Ո.) ավտոմեքենաները, ինչի հետեւանքով վարորդները տեղափոխվել են Աշտարակի ԲԿ, որտեղ բժիշկները նրանց առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենաները եւ փակել գազի բալոնների փականները: